1-5 қыркүйек аралығында Нұр-Сұлтан қаласындағы Паралимпиадалық жаттықтыру орталығында тірек-қимыл аппараты зақымдалған спортшылар арасында отырып ойнау волейболынан ҚР Чемпионатының 2 кезеңі өтті.
Турнир 3 кезеңнен тұрады. Чемпионаттың бірінші кезеңі ағымдағы жылдың 1-5 тамыз аралығында Тараз қаласында өтті.
Чемпионатқа Еліміздің 10 командасы іріктеліп,6 командасы ойынға қатысты:Жамбыл облысы,Атырау,Қызылорда,Маңғыстау,Тараз,Қарағанды қалалары өз-ара бақ сынасты. Аталмыш чемпионат ерлер командасы арасында өтті.Ойын шарты бойынша – барлық кездесу форматы бойынша «тай-брек»ойнатылады.( 4 партия 25 ұпайға дейін,5-партия 15 ұпайға дейін)
Бірнеше күн бойы тартысқа толы өткен ойын туралы,«жас спорт түрінің» өсіп-дамуына сүбелі үлес қосқан спортшы,әрі жаттықтырушы Башенеев Азамат өз ойын білдірді:
«Бүгінгі отырып ойнау волейболының дамып келе жатқандығын,ойыншылардың құрамы жаңарып келе жатқандығынан байқауға болады.Егер бірнеше жыл бұрын ойыншылардың жасы 40-45 басталса,қазіргі уақытта ойыншаладың орташа жасы 25-30 жастан басталады.Бұл дегеніміз,жастар арасында спортқа деген қызығушылығының зор екендігінің белгісі».
Нұр-Сұлтан қаласының командасы 6 команданың ішінен 4 орынға орнықты.
Ендігі кезекте Чемпионаттың үшінші кезеңі 14.11-19.11.2022 аралығында жоспарлануда.
Атап өтейік,Чемпионаттың жеңімпаздары отырып ойнау волейболының Ұлттық құрама командасының қатарына кіруіне тікелей жолдама алады.
