Нұр-Сұлтан қаласы әкімдігінің «Балалар-жасөспірімдер спорт мектебі, мүгедек спортшыларға арналған спорт мектебі» КММ

Спорттық мектеп 15.01.2019 ж. Қаулыға сәйкес 2019 жылғы 15 қаңтарда құрылды.

Қазіргі уақытта мектепте 18 спорт түрі бар: арбамен билеу, отырып ойнау волейболы, грек-рим күресі, еркін күрес, дойбы, шахмат, тоғызқұмалақ, жеңіл атлетика, жүзу, пауэрлифтинг, үстел теннисі, футбол, таеквандо, асық ату, дзюдо, бочча, голбол және паракаратэ.

Мектептің жаттықтырушылар құрамы 2019 жылы 21 жаттықтырушыны, ал контингент 343 спортшыны құрайды: ҚР Халықаралық дәрежедегі спорт шебері – 7, ҚР Спорт шебері – 20, ҚР спорт шеберіне үміткер – 41, 1 спорттық разряд – 7 және 2 спорттық разряд – 5.

Мектеп спортшылары күнтізбелік жоспарға сәйкес Республикалық және Халықаралық спорттық іс-шараларға қатысады. Еліміздің егемендік алған жылдарынан бастап мүмкіндігі шектеулі спортшылар Республикалық және Халықаралық ареналарда жоғары нәтижелер көрсетіп келе жатыр.

Мектепте спорттық врач, массаж жасаушы және сурдоаудармашы бар. Сондай-ақ мектеп теңгерімінде спортшыларды жаттығу сабақтарына және спорттық іс-шараларға тасымалдайтын арнайы көлік бар.

Мектептің мақсаты:

  • оқушыларды дене шынықтырумен және спортпен жүйелі шұғылдануға тарту;
  • оқушылардың белгілі бір спорт түріне қабілетін анықтау;
  • оқушыларды спорт түрлеріне оқыту және моральдық-ерік қасиеттерін тәрбиелеу.

Алға қойылған міндеттерді іске асыру үшін спорт мектептері:

  • жыл бойы тұрақты сабақтар өткізу үшін жағдайлар жасайды;
  • қабілетті оқушыларды болашақта спорт түрлері бойынша мамандыру үшін іріктеу жүйесін ұйымдастырады;
  • жүйелі тәрбиелік жұмыстарды, соның ішінде оқушылардың спорттық этиканы сақтау дағдыларын, ұйымшылдығын дамытуды ұйымдастырады;
  • алдыңғы қатарлы спортық технологияларды пайдаланып, соның ішінде оқу-жаттығу процесін ұйымдастырады;
  • спорттық жарыстарды жүйелі өткізеді және оқушылардың спорттық жарыстарға белсенді қатысуын қамтамасыз етеді;
  • оқушылардың қажетті теориялық білімді және тәжірибиелік дағдыларды игеруін қамтамасыз етеді.